都市日報@107食辣椒抗辣招(09-07-2013)

政團搞示威愈嚟愈多花款，跳海、絕食、剃頭呢啲招似乎難再吸引啲小記注意。107動力召集人Raymond(何民傑)噚日同班地產代理去立會抗議樓市辣招。平時請願都鍾意扮鬼扮馬嘅Raymond，即場吞咗廿多隻大辣椒，話要抗議多項印花稅，迫港人交多逾20%嘅稅率。見到Raymond一邊食辣椒一邊抹汗，之後仲要飲幾杯奶。要出位真係一啲都唔簡單㗎！