浪費公帑一天遊景點一：年蝕15億 迪士尼變「勁蝕尼」

107動力為了繼續推動政府提升公帑運用的透明度，在11月2日舉行浪費公帑一天遊， 暢遊迪士尼、食環署空置街市、青州英泥廠等景點，緬懷公帑如何白白浪費，第一個景點迪 士尼的相關詳情如下：

在上午10:30，107動力一行數十人到香港迪士尼樂園旅遊巴士停車場集合，成員戴 上特首煲呔曾的面具，並在停車場往迪士尼的牌坊合影大合照，數十位支持者將會高舉「勁 蝕尼」、「Deficitland」等字牌，諷刺迪士尼浪費公帑，要求政府盡快公開迪 士尼數簿。行動期間，有數十名來自國內的自由行旅客自發加入我們的行列，同意港府不應 浪費公帑，並一起合照和撥手揮公帑，詳見本短片首段畫面。

107動力召集人何民傑指：「係1999年未計土地成本，就用左二百四十億公帑去起香 港迪士尼，只係換左五成幾股份，本來呢個協議就係對香港納稅人嘅「不平等協議」。香港 迪士尼唔單止入選我地舉辦的特區十年十大浪費公帑選舉第二名，而佢地嘅入場人數一直係 「不能說的秘密」，連最基本的收支盈虧也沒有向納稅人交待。我地107動力一向致力提 升公帑嘅透明度，係七月份潛入左迪士尼，要求佢地公開數簿，最後係八月份迪士尼終於交 待原來而家一年蝕緊15億，但其他資料就通通無再交待。而家迪士尼有唔少遊客係經深圳 直接到迪士尼玩，一早就入場，即日就走，能夠帶動到幾多本地旅遊業，真係天曉得嘅問題 ！迪士尼變左「勁蝕尼」！」

何續指：「迪士尼原本係想推動香港嘅旅遊，但結果就適得其反。好似環球片場都係國際知 名主題公園，佢地係亞太區再起主題公園都只係考慮首爾、上海同新加坡，好明顯就係特區 政府貼錢貼地起迪士尼，仲邊有其他主題公園敢黎香港起，損失既係香港既旅遊業同香港市 民。」

解救財赤只有靠「瘦身」不理財赤違基本法107條

107動力召集人何民傑指：「今年度財赤可能逼近七百億元，107動力認為面對未來幾 年的赤字，公務員及公營機構必須「大瘦身」，甚至減省不必要的部門和機構，出售可以自 負盈虧的部門，同時透過互聯網提升公帑運用的透明度，否則特區政府將有違基本法107 條要求避免赤字的法規，面臨司法挑戰。」