都市日報@鐵娘子關注港納稅組織(2013-04-10)

「鐵娘子」前英國首相戴卓爾夫人中風離世，本港網民及政界隨即洗板致哀。成日鬧政府亂使錢嘅107動力召集人Raymond何民傑話，佢喺兩年多前，到倫敦出席世界納稅人協會雙年會時，喺一個晚宴時都撞過「鐵娘子」，「鐵娘子」當時嘅精神唔錯，只係講嘢比較慢啲啫。
Raymond當晚亦趁咁好嘅機會，同「鐵娘子」介紹自己喺香港成立咗個納稅人組織，「鐵娘子」好友善咁話 ：「呢件係好事。」Raymond仲話，當晚在場有世界各地嘅右派團體同政黨，都排晒隊要同「鐵娘子」握手傾幾句，當正佢係精神領袖咁㗎。佢當然唔執輸啦，都有同「鐵娘子」留下珍貴嘅相片(圖)。