107動力參與香港電台電視節目「左右紅藍綠」

左右紅藍綠：公帑透明度

呢排股海就風起雲湧，好多投資者見到個股價係咁跌都膽戰心驚，但股票點跌都可以訂個止 蝕位，最多蝕錢離場，但原來香港人有啲投資就連蝕緊幾多都未必知，亦都無得話幾時可以 4離場止蝕。

呢啲投資就係由政府使公帑做啲無謂投資喇！好似係香港廸士尼，係1999年未計土地成 本，就用左二百四十億公帑去起香港迪士尼，只係換左五成幾股份，本來呢個協議就係對香 港納稅人嘅「不平等協議」。

而且香港迪士尼唔單止入選我地舉辦的特區十年十大浪費公帑選舉第二名，而佢地嘅入場人 數一直係「不能說的秘密」，連最基本的收支盈虧也沒有向納稅人交待。我地107動力一 向致力提升公帑嘅透明度，係七月份潛入左迪士尼，要求佢地公開數簿，最後係八月份迪士 尼終於交待原來而家一年蝕緊15億，但其他資料就通通無再交待。而家迪士尼有唔少遊客 係經深圳直接到迪士尼玩，一早就入場，即日就走，能夠帶動到幾多本地旅遊業，真係天曉 得嘅問題！

迪士尼原本係想推動香港嘅旅遊，但結果就適得其反。好似環球片場都係國際知名主題公園 ，佢地係亞太區再起主題公園都只係考慮首爾、上海同新加坡，好明顯就係特區政府貼錢貼 地起迪士尼，仲邊有其他主題公園敢黎香港起，損失既係香港既旅遊業同香港市民。

但似乎政府並未懂得從教訓中學習，迪士尼呢筆壞帳未搞掂，就話因為無商業機構願意投資 ，要用七十幾億公帑，興建郵輪碼頭。

香港想學哥本哈根做郵輪母港，可以話係先天不足，係波羅的海有唔少好似斯德哥爾摩、聖 彼德堡等著名嘅海港，但眼看本港附近海域的城市，最多只是三亞、海口、廈門、基隆。這 些城市對香港人固然熟悉，但外國人就未必懂得欣賞。

而本地乘搭郵輪嘅人又係鐘意出到公海，可以係船上邊賭翻幾手，如果要公帑起郵輪碼頭， 不如就公開賣地比人起賭場，唔使用公帑，仲可能會有好似澳門威尼斯人咁嘅吸引遊客項目 出現。

世界各地政府都發起唔同的透明度運動，透過互聯網公開公帑運用的資料，香港係呢方面真 係要急起直追。政府亦應該恪守原則，乜野係用公帑去建設，乜野係要俾翻民間去搞，免得 最後又係好心做壞事。
何民傑
107動力召集人
節目重溫如下：

公帑買海隧
http://www.rthk.org.hk/rthk/tv/pentap...

公帑透明度
http://www.rthk.org.hk/rthk/tv/pentap...