肥上瘦下釀惡果 醫管局犯七宗罪

功夫茶
A14 4 . 東方日報

2008-04-27

功夫茶


尋日，有團體力數醫院管理局浪費公帑七宗罪，並以兩個大氫氣球贈興。唔知向來埋首沙堆食物及生局局長周一嶽，今次會唔會破例，從沙堆內伸出個頭，聽市民對香港公共醫療方面劣評呢？

醫管局七宗罪包括肥上瘦下、無視批評、行政浪費、拒絕改革、轉移視線等，呢當然都係事實啦，相信市民大眾亦有同感。

其實，香港公共醫療系統千瘡百孔，烏煙瘴氣，如果認真數，醫管局點止七宗罪。「比較新鮮」罪名，就係屯門及聯合兩間公立醫院相繼遺失大批病人資料，包括病歷、姓名、身份證號碼、地址、電話等個人私隱外洩，估計受影響病人達七百個。

最奇怪係，失竊事件發生後，醫管局及生署開頭仍然秘而不宣，企圖瞞天過海。後來自知紙難包火，先至被迫公開交代。

其實，人有病並不可怕，正如佛家所言，「病」只係人生必經苦難之一。但最可怕係，周一嶽等生官僚成日趁你病、你命，搞到普羅市民苦上加苦！病人私隱外洩仲係小事，最慘係周升「附送」醫療失誤，有命入醫院，未必有命行得番出。近期多名小童神秘死亡，話就話係同流感有關，但究竟呢小童真正死因係乜，當局語焉不詳，市民至今仍然係一頭霧水。

之咁，香港公共醫療系統搞到家陣千瘡百孔，若然有咩冬瓜豆腐就絕對唔會「死因不明」。因為，全港市民都知醫管局衰邊幾樣喇，歸納講，最重要就係架構臃腫、將多於兵。醫管局每年獲撥款三百幾億元，其中逾七成花薪酬津貼，年薪過二百萬元高層就有五百人之多。其他人唔講，淨係行政總裁蘇利民及四位聯網總監，年薪總共就高達一千七百幾萬。「肥上」結果就係「瘦下」，前線資源異常緊絀，資深醫生、護士相繼「大逃亡」，搞到市民「有病冇人醫」呀，陰功！

最短視係，醫管局為節省資源，連護士學校都摺埋，搞到依家護士人手嚴重短缺，五個蓋要十個煲，唔出事至奇。呢個現象已經持續多年，縱使社會輿論言者諄諄，周一嶽仍然聽者藐藐，咁即係擺明靠害市民。

功夫茶舉個例，譬如有支軍隊，若然隨隊醫官令到傷病兵員得唔到適合治療，例如入院死可以死因不明，要用藥又話要自己買，仲搞到連護士都唔夠，但佢自己就霸晒大部分資源，更要求全體士兵「食自己」畀錢搞醫療融資，咁試問呢支軍隊仲點會有士氣？又如何有戰鬥力呀？

香港特區優勢漸失，好多已經落後於周邊城市，呢個係不爭事實，廣大市民正要打拚衝出困境，正如一支戰鬥緊軍隊，而周一嶽就係呢個不合格醫官，其錯足可以害民，其弊足可以亂港，係咁……仲賴死唔走？