新報@政府是時候減辣了(02-09-2013)

政府的「辣招」對商界打擊好大，有地產老行尊話「現時個市仲慘過03年沙士，稅咁重，真係無得做！」呢一招遏樓市，好似武俠小說中的七傷拳，雖打倒敵人，自己亦五癆七傷。

老行尊話「商家唔少走資，就係因為冇生意做，有資金，去到邊度都受歡迎，苦了的是工人！」他表示「譬如有外來人想在港買舖、買屋做生意，一計埋辣招的印花稅，好多商家即時打退堂鼓，這無他，稅重！」政府要遏抑樓價，打擊的不止是地產，而是包括其他的行業。

香港樓市狂升，其中一個原因係內地人狂搶本地樓，瘋狂到不問價。

他們近年有錢，不想把錢留在內地，於是四出買「磚頭」，這些「熱錢」只要內地政府一收緊銀根，就可以遏止，特區政府不從源頭做工夫，只是「一棍打死」樓市，結果造成今日局面。