2013年6月14日 星期五

爽報@思歪一定輸(14-06-2013)


噚日,立法會邀請各界對政府先斬後奏徵懲罰性印花稅發表意見。會議前,有近1,000名地產經紀示威。

印象中,就算八萬五,地產經紀都只係逆來順受。當年我曾經問過一位地產經紀,對爛市有乜睇法,佢一貫積極進取咁話:「始終人都要有瓦遮頭,只要有呢個需求,地產就有得做。」噚日亦有地產經紀自己都話,以前生意再差,佢都唔會覺得自己係受政府迫害;最多都係覺得時勢不佳,捱就會雨過天晴。今次,係人為政治錯誤,忍無可忍。

又有人話,唔係要打擊樓市,係要打擊炒家。不過,炒家同用家點分呢?從政府立法舉動,但凡有多過一層物業,就算炒家。

其實,今次政府透過各種懲罰性印花稅打壓樓市,明顯出於行政方便考慮。事實上,政策設計同執行由庫務科去做,政治問責就係發展局。政策設計同執行,當然係越概括越好,越少潛在漏洞就越好。至於政策有冇功效?做就算交差。

調控樓市最終政治任務,就由完全冇運作政府行政機器經驗陳茂波負責。有小道消息話,政務官對思歪營問責官,已經好氣餒。家陣審議印花稅修訂條例,一係就犯眾憎,一係就政府知難而退,撤回議案。無論點樣,政府都一定輸。思歪政府究竟諗緊乜?

李兆富

沒有留言: