2013年6月6日 星期四

都市日報@107搞苦水會反辣招(07-06-2013)


政府出辣招,但樓價唔係點大幅回落,交投就萎縮,最慘係班靠佣搵食嘅地產代理。107動力召集人何民傑(圖)話呢排同班代理傾偈,上個月嘅樓宇成交得三千多宗,即9個代理先有1個開到單,衰到好似「沙士」時期,班代理要靠租盤同居屋客吊命。為咗反開徵額外印花稅(SSD)同買家印花稅(BSD),107動力下周一會搞苦水會,搵咗業界猛人汪敦敬,估計有二百多人撐場。何民傑又話政府仲唔撤辣招,搞埋遊行或熄燈行動。

沒有留言: